Luis Suarez: Nilikuwa nalia kutokana na vitendo nilivvyofanyiwa Barcelona

Luis Suarez
Maelezo ya picha,

Luis Suarez alifunga mara mbili kabla hajaamia Atletico Madrid

Luis Suarez anasema alilia jinsi alivyokuwa anafanyiwa na Barcelona kabla ya kuondoka kwenda Atletico Madrid.

Mshambuliaji huyo wa Uruguay alimaliza kipindi cha miaka sita huko Barca mnamo Septemba na anasema alizuiwa kufanya mazoezi na kikosi cha kwanza kabla ya kuondoka.

"Siku hizo zilikuwa ngumu sana. Nililia kwa sababu ya kile nilikuwa nikipitia," alisema Suarez, 33.

"Niliumia zaidi ya yote kwa jinsi walivyofanya mambo, kwa sababu mtu anapaswa kukubali wakati mzunguko unafikia mwisho."

Suarez alijiunga na Barcelona akitokea Liverpool kwa pauni milioni 74 mwaka 2014 na kuwa mfungaji bora wa tatu wa wakati wote wa Uhispania na mabao 198, akishinda mataji manne ya La Liga, vikombe vinne vya nyumbani na Ligi ya Mabingwa ya 2015 katika mchakato huo.

Alifunga mabao 21 mnamo 2019-20 - idadi yake ya chini kabisa katika miaka sita - na, baada ya kutohusika kwenye mechi za kabla ya msimu wa Barca, aliondoka na mwaka mmoja kwenye mkataba wake.

Atletico ililipa ada ya jina lisilozidi euro 6m kwa Suarez.

"Sikuchukua ujumbe wa kilabu kwamba walikuwa wakinitafutia suluhisho ili nichanganye mambo vizuri," aliongeza Suarez, ambaye ana mabao mawili katika michezo mitatu ya Atletico.

"Sio kila mtu anajua kilichotokea lakini jambo baya zaidi lilikuwa kwenda kufanya mazoezi na kupelekwa kwa kikundi tofauti na kila mtu mwingine kwa sababu sikuruhusiwa kucheza kwenye mechi za mazoezi.

"Mke wangu aliweza kuona jinsi nilikuwa sina furaha na alitaka kuniona nikitabasamu tena na wakati nafasi ya kujiunga na Atletico sikuwa na shaka."

Mfungaji rekodi wa Barcelona, ​​Lionel Messi alituma ujumbe wa kumuunga mkono Suarez kwenye mitandao ya kijamii, akisema "ametupwa nje".

"Sikushangaa kwamba Messi aliniunga mkono hadharani kwa sababu ninamfahamu sana," alisema Suarez. "Alijua maumivu ambayo nilikuwa nikipitia, hisia kwamba nilikuwa nikifukuzwa ndio iliyoniumiza zaidi.

"Njia waliyofanya mambo haikuwa sawa na Leo anajua jinsi mimi na familia yangu tuliteseka."