Virusi vya corona: Fahamu kwanini Afrika haikuathirika sana na virusi vya corona ikilinganishwa na maeneo mengine

Sababu 5 kwanini Afrika haikuathirika sana na virusi vya corona
Maelezo ya picha,

Sababu 5 kwanini Afrika haikuathirika sana na virusi vya corona

Nchi nyingi za Afrika zimesifiwa kwa kuzuia kusambaa kwa virusi vya corona licha ya mifumo ya afya katika baadhi ya nchi hizo kuwa mbaya.

Bara hilo lenye idadi ya watu zaidi ya bilioni moja,lina watu milioni 1.5 amber wamethibitishwa kuwa na virusi vya corona, kwa mujibu wa data iliyokusanywa na Chuo Kikuu cha John Hopkins University.

Afrika iliandikisha vifo karibu 37,000 ikilinganinshwa na karibu vifo vya watu 58,000 Amerika, watu 230,000 barani Ulaya na 205,000 barani Asia.

Idadi ambayo ni ya chini kuliko za Ulaya, Asia au Amerika, huku visa vya maambukizi vikiendelea kupungua.

"Takwimu ya vifo vinavyotokana na ugonjwa wa Covid-19 barani Afrika zinaashiria kuwa havijaathiri sana watu katika bara hilo," kulingana na utafiti wa pamoja uliofanywa kubaini jinsi mataifa yalivyoshughulikia janga la corona PERC, ulioleta pamoja mashirika kadhaa ya kibinafsi na ya umma.

Viwango vya chini vya upimaji wa watu katika baadhi ya nchi za Afrika unaendelea kuwa kikwazo katika juhudi za kukabiliana na janga la corona huku idadi kubwa ya vifo vinavyotokana na Covid-19 vikikosa kunakiliwa, alisema Dk John Nkengasong, Mkuu wa Afrika wa Kituo cha Kudhibiti na Kuzuia Magonjwa (Africa CDC).

Kwa hivyo ni zipi baadhi ya sababu zilizofanya Afrika kuwa na viwango vya chini ya vifo vya corona?

1: Hatua ya haraka

Maelezo ya picha,

Maeneo mengi ya kuabudu Afrika yamefunguliwa baada ya kupuondoa mashrati ya kukabiliana na virusi hivyo

Kisa cha kwanza cha maambukizi ya virusi vya corona katika bara la Afrika kilithibitishwa nchini Misri Februari 14.

Kulikuwa na hofu virusi hivyo vipya huenda vikaathiri watu vibaya kutokana na mifumo duni ya afya katika nchi nyingi barani humo.

Hatahivyo, nchi za Afrika zilichukua hatua za dharura kudhibiti virusi kuenea kwa haraka.

Muongozo wa afya ya umma - ikiwa ni pamoja na kutosalimiana kwa mikono, kunawa mikono mara kwa mara, watu kutokaribiana na kuvaa barakoa- ulibuniwa.

Baadhi ya nchi kama vile -Lesotho ilianza kuchukua hatua ya kuzuia maambukizi hata kabla ya mtu yeyeyote kuthibitishwa kuwa na virusi vya corona.

Ilitangaza hali ya dharura na kufunga shule zote Machi 18, na kuweka amri ya kutotoka nje kwa kwa wiki tatu na siku 10 baadaye kama hatua ya kushirikiana na nchi zingine za Afrika katika juhudi za kukabiliana na jana la corona

Lakini amri ya kutotoka nje ilipoondolewa mapema mwezi Mei - Lesotho ikatangaza mgonjwa wake wa kwanza wa corona.

Nchi hiyo ambayo ina watu zaidi ya milioni mbili kufikia sasa, imethibitisha kuwa na watu 1,700 walioambukizwa virusi huku watu 40 wakifariki kutokana na ungojwa wa Covid-19.

2: Msaada wa Umma

Utafiti uliofanywa na PERC katika nchi 18 mwezi Agosti PERC, unaonesha msaada wa umma kwa hatua za usalama ulikuwa - huku asilimia 85 ya walioshiriki utafiti huo wakisema kuwa walivalia barakoa wiki iliyotangulia.

"Kutokana na utekelezaji wa muongozo wa afya ya umma na msaada wa kijamii, nchi wanachama wa muungano wa Afrika zilifanikiwa kudhibiti virusi vya corona kati ya mwezi Machi na Mei," ripoti ilisema.

Pia uliongezea kwamba " kulegezwa kiasi kwa [masharti] katika miezi ya Juni na Julai kulishabikiana na ongezeko la viwango vya maambukizi ya virusi vilivyoripotiwa katika nchi tofauti barani Afrika".

Kutoka wakati huo, viwango vya maambukizi na idadi ya vifo vimeonekana kushuka katika bara hilo, hali ambayo inahusishwa msimu wa baridi kali.

Kutekelezwa kwa masharti ya kudhibiti maambukizi ya virusi vya corona kulikuja na changamoto zake. Watu walipoteza ajira kwa kiwango kikubwa.

Afrika Kusini ambayo ni moja ya nchi iliyoweka masharti makali duniani- Jumla ya ajira milioni 2.2 zilipotezwa nusu ya kwanza ya mwaka.

Nchi kadhaa zimelazimika kufungua chumi zao licha ya idadi ya maambukizi bado kuwa juu kuliko ilivyokuwa kabla ya kutolewa kwa amri ya kutotoka nje.

Kulingana na ripoti ya PERC, watu walikuwa na maoni mseto kuhusu hatua ya nchi kurejelea shughuli za kiuchumi - Watu sita kati ya kumi walitaka uchumi ufunguliwe na wanaamini hatari ya kupata maambukizi itakuwa chini ikiwa watu watazingatia muongozo wa afya ya umma utazingatiwa.

Hata hivyo, watu saba kati ya kumi wanafikiria kurejelea kwa hali ya kawaidi kunawatia hofu.

3: Idadi ya vijana iko juu - kuliko wazee

Nchi nyingi za Afrika zina idadi kubwa ya vijana kuliko wazee hali ambayo huenda imechangia pakubwa kudhibiti maambukizo ya Covid-19.

Kimataifa, watu wengi waliofariki kutokana na corona wana miaka 80, wakati Afrika ina idadi kubwa ya vijana walio na miaka 19, kwa mujibu wa data za Umoja wa Mataifa.

''Janga hilo halijaathiri watu walio na umri mdogo…karibu asilimia 91 ya maambukizo ya virusi katika eneo la kusini mwa Jangwa la Corona ilikuwa ni ya watu walio chini ya miaka 60 na zaidi ya asilimia 80 ni ya wale ambeo hawaoneshi dalili'', limesema Shirika la Afrya Duniani (WHO).

Maelezo ya picha,

Nyumba za wazee sio jambo la kawaida barani Afrika

Tuna [karibu asilimia tatu ya watu walio na zaidi ya miaka 65 barani Afrika" alisema Dkt Matshidiso Moeti, Mkuu wa WHO Afrika.

Ikilinganishwa na Ulaya, Amerika Kaskazini na nchi tajiri za bara Asia zilizo na idadi kubwa ya wazee.

"Moja ya sababu iliyochangia idadi kubwa ya maambukizo ya virusi vya corona katika nchi za Magharibi ni kwamba wazee walikuwa wanaishi katika makazi maalumu na suala hilo lilisababisha virusi kusambaa kwa kasi ," Dkt Moeti aliongeza.

Makazi kama halo ni nadra sana kupatikana katika nchi nyingi za Afrika, ambako wazee huishi maeneo ya vijijini.

Ni kawaida katika nchi nyingi za Afrika watu kurudi nyumbani kwao vijijini wanapostaafu kazi katika maeneo ya mijini

4: Hali nzuri ya hewa

Utafiti uliofanywa na Chuo Kikuu cha Maryland nchini Marekani ulibaini uhusiano uliopo kati ya hali ya hewa na kusambaa kwa maambukizo ya ugonjwa wa Covid-19.

"Tulichunguza mambo ya awali [wa virusi] katika miji 50 duniani. Na tulibaini kuwa virusi vilisambaa kwa urahisi katika maeneo yaliyokuwa na viwango vya chini vya joto" alisema Mohammad Sajadi, mtafiti mkuu.

"Sio kwamba virusi havisambai katika mazingira mengine yaliyo na hali ya joto tofauti - lakini virusi vinasambaa kwa haraka viwango vya joto vikishuka."

media captionCoronavirus in Africa: How to save water so you can wash your hands

Viwango vya maabukizi viliongezeka kwa kasi nchini Afrika Kusini msimu wa baridi kali.

Lakini hali ya hews ilipobadilika, idadi ya watu walioambukizwa virusi vilishuka, hali iliyobadili mtazamo wa bara, kwasababu Afrika Kusini inachangia karibu nusu ya idadi ya maambukizi na vifo ya corona barani Afrika.

5: Mifumo mizuri ya afya ya jamii

Janga la Covid- 19 lilikuja wakati ambapo Jamhuri ya Kidemokrasia ya Congo ilikuwa bado inashughulikia mlipuko mkubwa wa ugonjwa wa Ebola.

Nchi jirani zilikuwa zimeweka mikakati kabambe ya kujikinga dhidi ya maambukizi kwa kufanya uchunguzi wa afya kwa wasafiri hasa wanaoshukiwa kuwa na Ebola, hali ambayo ilikuwa rahisi kujumuisha Covid-19

Maelezo ya picha,

Wale waliokuwa wakitoa usaidizi wa kutoa chanjo ya polio waligeuka na kuanza kutoa usaidizi wa kukabiliana na Covid 19

Nchi kadhaa za Afrika Magharibi - ambazo zilikuwa zikikabiliana na mlipuko wa ugonjwa wa Ebola kutoka mwaka 2013-16 - pia zilikuwa zimepata uelewa wa jinsi ya kuzuia Covid-19, ikiwa ni pamoja na kuwatenga watu walioambukizwa, Kando na hilo wahudumu wa afya nchini Nigeria, ambao walikuwa wakizunguka vijijini kuwapa watoto chanjo ya polio walichukua nafasi hiyo kuelimisha Jamii kuhusu ugonjwa mpya wa corona.

Kwa hivyo, japo miundo mbinu katika nchini nyingi za Afrika haijaimarika ikilinganishwa na maeneo mengine duniani, nguvu ya bara hilo iko katika mifumo yake ya afya ya jamii inapoyopambana na kuwapa usalama watu wake licha ya changamoto zilizopo.

Licha ya juhudi hizo nchi za Afrika hazistahili kurudi nyuma katika mapambano dhidi ya corona.